Specialty Coffees
SPECIALTY COFFEE
Kafe-hautapenik bereziena
%100 artisaua da prozesua, zuhatzetik kikararaino, eta hori horrela izan dadin, filosofia bat dugu: produktua zaintzen dugu, nekazaritza ekologikoko eta produkzio jasangarriko teknikak erabiltzen ditugu, eta ingurumenaz arduratzen gara. Horrek bereizten ditu goi-gamako kafe hauek.
Ekoizle guztiek ezin dute egin espezialitate-kafea. Horregatik, bakana eta autentikoa da espezialitate-kafeetako bakoitza, eta historia bat du atzean. Sasoikoak dira espezialitate-kafeak. Ekoizle txikiek eskualde zehatz batean lantzen dute haien kafe-barietate bakarra, altitude jakin batean, eta zoruaren, tenperaturaren eta hezetasunaren kondizio espezifikoetan. Nekazariek eskuz batzen dute uzta; heldutasun ezin hobean dauden kafe-gereziak baino ez dituzte aukeratzen; gero, kafe-gereziari mamia kentzen diotenean, berriz ere kafe-aleak hautatzen dituzte, akastunak baztertuz.
Gure produktua mimo ezin handiagoz jagoten dugu: xehetasun bakoitza zaintzen dugu prozesu osoan, eta trazabilitate zorrotza ezartzen dugu kafea osatzen duten ale bakoitzean. Horrenbestez, kafe esklusiboak dira: artisaua da kafearen txigorketa, kafe-barietate bakoitzari egokituta, barietate bakoitzaren ezaugarriak nabarmentzeko.
Espezialitate-kafearen kategoria lortzeko, dastatzaile profesionalek kafea dastatzen dute, eta kafe-barietatearen berezko ezaugarriak ebaluatzen eta puntuatzen dituzte. Hala, 80/100eko puntuazioa gainditzen dituzten kafeek bakarrik lortzen dute espezialitate-kafearen kategoria. Dastatzaileek Specialty Coffee Association SCAko ziurtagiriak dituzte.
CONGO
Kivu Iparraldeko Edward aintzira inguruan, ehunka nekazarik alor txikiak lantzen dituzte bata bestearen ondoan, eta erdi garbituaren eta garbituaren teknikarekin, kalitate handiko kafe organiko egiaztatua ekoizten dute. |
|
---|---|
Prozesua | Garbitua |
Barietate bakarra | Bourbon |
Altitudea | 1.500m |
SCA puntuazioa | 85,75 |
MYANMAR
Pyin Oo Lwin, Myanmarren “Kafearen hiria” deitzen zaion lurraldearen erdialdean dago, azkar hasten ari den rulaldea delarik. Herrialdearen erdiguean dauden mendikate freskoetan kokatuta, kafe finka hauek zitrikoen, aguakatearen edo dragoi frutaren nekazal lurrak partekatzen dituzte. |
|
---|---|
Prozesua | Garbitua |
Barietate bakarra | Catimor |
Altitudea | 1.035-1.125m |
SCA puntuazioa | 86,25 |
COSTA RICA
Obatá da Costa Rican goraldi betean dauden barietateetako bat. Finca Noretin barietate hori lantzen dute, eta erdiesten duten kafea oso uniformea da. Gainera, prozesaketa berritzaile batez baliatzen dira: garbiketa hirukoitza, Costa Rican oso gutxi erabiltzen dena. |
|
---|---|
Prozesua | Garbiketa Hirukoitza |
Barietate bakarra | Obatá-Sarchimor |
Altitudea | 1.360 m |
SCA puntuazioa | 87,5 |
HONDURAS
Babarrun-kafea egiten du Tomasek: kafe esklusiboa eta paregabea. Kafe-landarearen adaburuetan eta adarren puntetan bakarrik hazten da babarrun-kafea, eta oso estimatua da. Itxura borobila du, eta horri esker, era uniformean txigortzen dira kafe-aleak. Cerrado Mineiron dago Tomasen etxealdea. |
|
---|---|
Prozesua | Honey |
Barietate bakarra | Caturra |
Altitudea | 1.900m |
SCA puntuazioa | 85 |